recent
أخبار ساخنة

نصيحة لكل طالب مزاكرش حاجة لحد دلوقتي

 



هي لحظة كدة هتمر بيها ، هتكون مش نايم طول الليل ، هتقوم على أعصابك وقاعد فاتح الموقع قدامك والساعة بتعدي سنة وبعد طول إنتظار "مؤتمر إعلان نتيجه الدبلومات الفنيه " تبدأ بقى ترفرش الموقع كل دقيقة ، هوب...أدخل رقم جلوسك ، هتنسى وقتها رقمك كان كام وهتنسى إسمك ، إيدك هتترعش من الخوف وأنت بتكتب رقم جلوسك ، يووه الموقع بياخد دقايق في التحميل ودول بيعدوا ساعات ، بسم الله.. أهو فتح ياارب ، عينك هتيجي على العربى وأنت أكيد متوقع تنقص كتير لأنك مش حالل حلو في الإمتحان ، إيه دا نقصت درجتين بس؟!! ازاي! هترجع تبص على إسمك وتتأكد ، بعدها هتخش على الإنجليزي وأنت دماغك مش مستوعبة ، إيه دا درجة واحدة؟!! دا أنا كنت بنقص في إمتحانات الدرس بال ٥ درجات...


بس وقتها أعصابك مش هتستحمل هتقرر تبص بقى على المجموع على طول وأنت قلبك هيقف....الله! المجموع أعلى من اللي أنت توقعته أو بمعنى أصح أعلى من اللي أنت تستحقه بأدائك في الإمتحانات.. خلاص حلمك إتحقق! أهلك طايرين من الفرحة حوليك وأنت مش مصدق نفسك! كل التعب إتحول لدموع فرحة وربنا عوضك عن كل لحظة تعبت فيها🖤


أنت عشت الفرحة دي دلوقتي بمجرد ما تخيلتها بس أنا جايه أقولك إن أنت لسة في إيدك تعمل المستحيل عشان تعيش اللحظة دي لايف

لحظة هتعوضك عن كل تعب وكل اإكتئاب بس انت عافر ومتخليش حاجة تعطلك طول السنة 🖤

author-img
بدر جمال

تعليقات

google-playkhamsatmostaqltradent