البوست ده لكل طالب داخل علي الامتحانات خايف
أنت مش فاشل...👌🏻
طول مافيك نفس يبقي أنت قدامك الفرصه أنك تثبت للكل إنك مش فاشل دخولك دبلوم صنايع مش نهاية مشوارك ولا نهاية حلمك أنت تقدر بإيديك تخليه بدايه لحلم جديد رسمته لنفسك وأنت في اعدادي بإعتبار انك هتدخل ثانوي متخافش من الامتحانات اعمل اللي عليك وذاكر ربنا طول ماهو شايفك بتعافر هيقف جنبك وهيكرمك انا خريجة ٢٠٢٢يعني السنادي انا الوحيده في القسم اللي ماأخدتش دروس خلال ٣سنين رغم اني كنت قسم إلكترونيات بس الحمدلله ربنا كرمه كان أكبر من ضعفي وقلة حيلتي كان عندي احباط اني مدام مش باخد دروس يبقي مش هنجح فمش هذاكر وفعلا ده اللي حصل 💔 بس جيت في بداية امتحانات العملي وذاكرت بس اكيد مستوايا مش هيتساوي باللي اخد دروس طول السنه واخد امتحانات ومراجعات بس حاولت وربنا لما شاف محاولتي ساعدني انا ذاكرت في بداية العملي وكنت بدخل مرعوبه وكل مره بعد كل امتحان ربنا كان بيكرمني ويطلعني مجبوره +كلمت مدرسين ع النت وفي موجود منهم هنا في الجروب كلهم كانوا محترمين معايا ولما كنت أحل مسائل رياضه أو يقف قدامي سؤال اكلمهم مكنوش بيتأخروا ودخلت ع قناة ملوك التعليم الفني واتفرجت ع فيديوهات الرسم الفني واتعلمت في وقت قصير جدا جدا كان اسبوع بس قبل الامتحان اي نعم ماجيبتش في الرسم درجه وااو بس مكنتش متخيله اصلا اجيب الدرجه دي ٨٥من ١٠٠ بس الحمدلله كرم ربنا اكبر من ضعفي بردو ذاكر ماتقولش مفيش وقت لا في وقت طول ماورقة الامتحان مش في ايدك يبقي لسه في وقت ذاكر انا ذاكرت ٣اسابيع بس اللي هما فترة الامتحان اصلا وجيبت ٨٥,٤٢٪ وكله بكرم ربنا انا كنت بفضل ع الكتاب ف ال٣ اسابيع دول وانام الساعه ٢ واصحي ٤يعني ساعتين بس وأوقات كنت بطبق لتاني يوم واروح الامتحان وطبعا ده غلط وبيسبب ضغط نفسي فظيع لدرجة اني تعبت وجالي فيرس مناعي كنت بعيط من الخوف طول الليل كنت بذاكر وانا بعيط وافضل اصلي وأعيط لربنا والحمدلله كرم ربنا بردو اكبر من ضعفي انت لسه قدامك وقت ذاكر ومتخافش ٣ث مش نهاية مشوارك ولا نهاية حلمك دي بداية انت بترسمها