منصة اليوتيوب هي عبارة عن منصة ضخمة تقدر تسفيد منها و تتعلم الكثير من الاشياء مجانا 100% من غير ما تدفع جنية واحد هتلاقي في اليوتيوب قنوات كتير بتقدم كورسات و دورات و فيديوهات ممتازة تقدر تغير حياتك للأحسن و تجعلك اكثر نجاحاُ و إنتاجية ، طب إزاي أقدر اتعلم من اليوتيوب ؟
 |
| أفضل 10 قنوات يوتيوب تعليمية مجانية 100% |
أقولك تقدر تتعلم من اليوتيوب من خلال متابعة أفضل القنوات المميزة للتعليم و عشان متقلقش انا جايبلك 10 قنوات يوتيوب كفيله تغير تفكيرك و تغير حياتك للأبد ، هتتعلم كورسات في جميع المجلات زي ( تعلم اللغات ، تعلم البرمجة ، تعلم مهارات التواصل و الادارة ، نصايح لطلبة تخليك متفوق جدا في الدراسة ، نصايح لصناعة المحتوي و تكون شخص منتج و ناجح و فعال في حياتك و تكوين شخصية قوية و مثقفة و مميزة .
طيب أيه هي القنوات دي ، اقولك ! في الحقيقة فيه المئات من القنوات المفيدة جدا لكن انا اخترتلك 10 قنوات من أفضل القنوات علي اليوتيوب بتقدم محتوي تعليمي مميز و مفيد هتعلمك مهارات و إستراتيجيات و معلومات جديدة و مفيدة ، لو فعلا تابعت القنوات دي و أتعلمت منها هتعرف ان اليوتيوب دا كنز كبير و هتدعيلي ..
العشر قنوات هما كالآتي :
1- قناة دروس أونلاين
 |
| أفضل 10 قنوات يوتيوب تعليمية مجانية 100% |
من أفضل قنوات اليوتيوب إن لم تكن هي الأفضل في مجال التعليم، بيقدم محتواها البشمهندس أحمد أبو زيد هتلاقي علي القناة محتوي لتعليم اللغة الانجليزية والتصميم بالفوتوشوب وعمل المونتاج و الأهم هتعرف إزاي تتعلم وتذاكر وهتلاقي ترشيحات لأدوات مفيدة للمذاكرة والشغل بجانب ترشيحات للكتب، هي قناة تعليمية شاملة.
2- قناة علي محمد علي
 |
| أفضل 10 قنوات يوتيوب تعليمية مجانية 100% |
القناة بتاعت الأستاذ علي محمد علي وهو بيقدم فيها محتوي متنوع في البرمجة و تلخيص الكتب و نصايح للإنجاز و التحفيز و بودكاست إطناب ... الي آخره من الفيديوهات المفيدة وللعلم أيضاً يوجد تطبيق تابع للقناة وعليه كل المحتوي.
3- قناة إيجيكولوجي
 |
| أفضل 10 قنوات يوتيوب تعليمية مجانية 100% |
يقدم المهندس احمد سمير محتوي مميز جدا علي قناة إيجيكولوجي، ومحتوي القناة يتمحور حول الظواهر الفيزيائية و الكيميائية و النظريات العلمية بيقدمها بشكل مبسط و سهل يفهمه كل الناس .
4- قناة إسلوب
 |
| أفضل 10 قنوات يوتيوب تعليمية مجانية 100% |
قناة تقدم محتوي تعليمي على هيئة فيديوهات كرتون انيميشن بشكل رائع و بسيط وممتع وتستحق المتابعة و هتستفيد كتير من فيديوهات القناة لانها موجه لكل الطلاب في جميع المراحل التعليمية و نصايح للمزاكرة و الدراسة .
5- قناة Z American English
 |
| أفضل 10 قنوات يوتيوب تعليمية مجانية 100% |
القناة الأفضل و الأكبر علي مستوي العالم في تعلم الانجليزية ، يقدم الدروس الاستاذ / إبراهيم عادل ، القناة بها العديد من الكورسات في القراءة والكتابة والصوتيات و القواعد لأكثر من مستوي، وجميع الكورسات مجانية ، والقناة هتلاقيها متقسمه مستويات كل ما عليك هو أختيار مستوي التعلم و البدء في مشاهدة الفيديوهات و هتتغير جدا و مستواك هيتحسن جدا بعد كل مستوي ، فعلا قناة مميزة تستحق المتابعة .
6- قناة جيل يقرأ
 |
| أفضل 10 قنوات يوتيوب تعليمية مجانية 100% |
قناة مختصة بتلخيص الكتب و القناة بتقدم لحضرتك العديد من الترشيحات للمتابعين وهي من أشهر وأفضل قنوات اليوتيوب المختصة بالكتب و القراءة و هتحببك في اقراءة الكتب ، وهتستفاد من كل الفيديوهات حرفياً و هتزيد ثقافتك بعد كل كتاب ملخص في كام دقيقة ، تستحق المتابعة .
7- قناة اقتصاد الكوكب
 |
| أفضل 10 قنوات يوتيوب تعليمية مجانية 100% |
قناة تتحدث عن كل ما يخص عالم المال والاعمال والاقتصاد ويقدم محتواها الأستاذ مصطفى السعيدي ، والمحتوي يستحق المتابعة فهو بيقدم لك آخر اخبار الإقتصاد و المال و البرصة و شرح مبسط للنظريات الإقتصادية و فعاليات السوق المالي في العالم ، و مبادئ التسويق و الماركيتنج ، وبعد كل فيديو هتلاقي نفسك فاهم في الإقتصاد بشكل عام .
8- قناة Elzero wep school
 |
| أفضل 10 قنوات يوتيوب تعليمية مجانية 100% |
أفضل قناة في مجال البرمجة و تصميم المواقع ، هي قناة ضخمة غنية عن التعريف لأي حد بيتعلم برمجة وخاصة تصميم المواقع الإلكترونية ، لو أنت متعرفهاش فقناة Elzero wep school بيقدم عليها أستاذ أسامة الزيرو محتوي قوي جداً للمبرمجين هتلاقي علي القناة عشرات الكورسات المفيدة و القناة متقسمة كورسات منفصلة زي مثلا ( كورس تعلم لغة C++ و تعلم لغة java script و تعلم لغة ال python و تعلم لغة HTML و تعلم لغة CSS و العديد و الكثير من اللغات البرمجية و دورات مميزة و قوية في مجال البرمجة و التكنولوجيا .. يتسحق المتابعة .
9- قناة أبو بكر إدريس
 |
| أفضل 10 قنوات يوتيوب تعليمية مجانية 100% |
القناة تقدم معلومات عن تعلم الانجليزية والتعليم الجامعي وعن التعليم عموماً ، صدقني القناة محتواه مفيد جدا لك و هتغير تفكيرك و نظرتك للإنجليزية و نصايح لدراسة و التعليم .
10- قناة السبيل
 |
| أفضل 10 قنوات يوتيوب تعليمية مجانية 100% |
قناة دينية بها مجموعة من الباحثين والمتخصصين لإرشادك الي طريق الله و تتنوع الفيديوهات في كل المجالات النافعة و المفيدة و تتكون من عدة برامج في مجالات كثيرة معلومات و أقتصاد و تكنولوجيا و تعليم .
دول كانوا اسماء قنوات يوتيوب تعليمية هتساعدك تتعلم أشياء كثيرة، ولو بتدور علي كورسات مجانية أكثر هتلاقي هنا أفضل مواقع كورسات اون لاين
دول كانوا اسماء قنوات يوتيوب تعليمية هتساعدك تتعلم أشياء كثيرة، ولو بتدور علي كورسات مجانية أكثر هتلاقي هنا أفضل مواقع كورسات اون لاين
